कैलालीको लम्कीचुहा नगरपालिका-१ का युवक भूपेन्द्र बडूवालको हत्याका आरोपितलाई धरौटीमा छोडेको भन्दौ आफन्तहरू आन्दोलित भएका छन् ।आफन्तहरूले सोमबार धनगढीमा प्रदर्शन गर्नुका साथै जिल्ला अदालत कैलालीमा धर्ना समेत दिएका छन् ।
कात्तिक २३ गते राति जिल्लाको टीकापुर नगरपालिका-१ सिद्धार्थ होटेल नजिकै लम्कीका भूपेन्द्र बडूवालको हत्या भएको थियो । बडूवालको हत्यामा संलग्न भएका र हत्या गर्न सघाउने अन्य ९ जना अझै फरार र उनीहरूको खोजी कार्य भइरहेको प्रहरीले जनाएको छ ।
यस्तै भूपेन्द्र बडूवालको हत्या आरोपमा पक्राउ परेका ९ जना पुर्पक्षका लागि थुनामा परेका छन् भने ३ जना धरौटीमा छुटेका छन् ।
गत शुक्रबार थुनछेक बहसपछि जिल्ला अदालत कैलालीले हत्या अभियोगमा पक्राउ परेका १२ मध्ये ९ जनालाई पुर्पक्षका लागि कारागार चलान गर्न आदेश दिएको थियो ।
उनीहरूले फरार अभियुक्तलाई छिटो भन्दा छिटो पक्राउ गरी कडा कारवाहीको माग गरेका हुन्।
