काठमाडौँ – त्रिभुवन अन्तर्राष्ट्रिय विमानस्थलबाट एक केजी ३ सय ११ ग्राम सुनसहित ५ जना बंगलादेशी पक्राउ परेका छन्।
दुबईबाट हिमालयन एयरलाइन्समार्फत काठमाडौँ आएका उनीहरु लगत्तै बंगलादेश जान लागेको अवस्थामा पक्राउ परेका हुन्। उनीहरुको साथबाट प्रहरीले सुनको बिष्कुट , चेनरोल, औँठी र चुरालगायत सामग्री बरामद गरेको छ। पक्राउ पर्नेहरुमा बंगलादेशी नगरिकहरु ३० वर्षीय तौहिदुल तनवीर, ३० वर्षीय एमडि युनुस अलि, ५० वर्षीय सोभान तालुकदार, २५ वर्षीय जाहिदुल ईस्लाम र ३७ वर्षीय एमडि मिराजुल ईस्लाम रहेका छन् । पक्राउमध्ये तौहिदुलको साथबाट २ सय १६ ग्राम, युनुसको साथबाट २ सय ३३ ग्राम, सोभानको साथबाट १ सय ग्राम, जाहिलदुलको साथबाट ३ सय ३२ ग्राम र मिराजुलको साथबाट ४ सय ३० ग्राम सुन बरामद भएको प्रहरीले जनाएको छ।
हिमालयन एयरलाइन्सको उडानद्वारा उनीहरु बंगलादेश जान लागेका थिए।
