काठमाडौं, ३ मंसिर । भारत सरकारले एक हजार र पाँच सयको नोटमा प्रतिबन्ध लगाएपछि सीमाक्षेत्रमा पाँच सय रुपैयाँका नोट दुई सय पचासदेखि तीन सयसम्ममा बिक्री हुन थालेका छन् ।
आजको अन्नपूर्ण पोस्टमा खबर छ– महोत्तरीको भिठ्ठामोड नाकामा भारु सटही गर्नेहरुले पाँच सयको नोट लिएर त्यसको आधा रकम दिने गरेका छन् ।
रकम नसाटिने डरले नेपालीहरुले आधा दाममा पनि भार साटिँदा राहत भएको स्थानीय ललन झाले बताए ।
उनले सात हजार भारु आधा दाममा साटेका थिए । सीमाक्षेत्रका सटही कारोबारीले भारतीय बैंकहरुमा लामो लाइन बसी रकम रकम खुद्रा गरी ल्याई त्यसलाई दोब्बर फइदा लिई बिक्री गर्ने गरेका छन् ।
भारतीय बैंकहरुमा भारु साट्न लामो लाइन बस्नुपर्ने र बढी झन्झट हुने भएकाले सीमाक्षेत्रका बजारमा कम मूल्यमै रकम साट्न नेपालीहरु बाध्य छन् ।
प्रतिक्रिया
सम्बन्धित खवर
