काँकरभिट्टा / जिल्ला खेलकुद विकास समिति झापाले आज खेलाडिहरुलाई खेल पोशाक वितरण साथै सातौँ राष्ट्रिय खेलकुद प्रतियोगिताका लागि विधाई कार्यक्रम सम्पन्न गरेको छ । काँकभिट्टा उच्च माविको खेल मैदानमा एक कार्यक्रमका विच सातौ राष्ट्रिय खेलकुद प्रतियोगिताका जिल्ला छनौट भएका खेलाडीलाई खेल पोशाक तथा प्रमाणपत्र वितरण गरेको हो । कार्यक्रमका प्रमूख अतिथि तथा जिल्ला विकास समिति झापाका स्थानिय विकास अधिकारी खेमराज ओझाले जिल्लाकी सबैभन्दा कम उमेरकी खेलाडी मालती टुडुलाई पोषक दिएर कार्यक्रमको उद्घाटन भएको थियो । कार्यक्रममा खेलकुद विकास समिति झापाका अध्यक्ष शंखर थापा, नेपाल पत्रकार महासंघका पूर्व केन्द्रिय सदस्य मोहन काजी न्यौपाने, युवासंघ नेपालका केन्द्रिय सदस्य राजु कार्की, झापा जिल्ला फुटबल संंघका जलकुमार गुरुङ्ग, जिल्ला खेलकुद विकास समितिका पूर्वं अध्यक्ष डिल्ली घिमिरे लगायते खेलाडिहरुलाई शुभकामना दिदैँ मन्तव्य राख्नु भएको थियो ।