काठमाडौं – आज २०८० साल पुस २ गते सोमबार। ज्योतिषशास्त्रमा चन्द्रमा अनुसार दैनिक फलादेश हुन्छ। २७ नक्षत्रको आधारमा राशिको नाम निर्धारण गरिन्छ। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी गरिन्छ। यस्तो छ आजको फलादेशः
मेष : दिन राम्रो छ। शिक्षा, स्वास्थ्य र आर्थिक क्षेत्रमा उन्नति हुनेछ। वैदेशिक रोजगार क्षेत्रमा गरेको लगानीबाट फाइदा हुनेछ। प्रेम सम्बन्ध र दाम्पत्य जीवन सुमधुर बन्नेछ। राजनीतिक क्षेत्रमा जोगिएर काम गर्नुपर्नेछ।
वृष : दिन सामान्य राम्रो छ। शिक्षा र स्वास्थ्य क्षेत्रको लगानीबाट फाइदा हुनेछ। वैदेशिक क्षेत्रमा उत्साह देखिन्छ। व्यापार व्यवसायमा घाटा हुने देखिन्छ।
मिथुन : दिन सामान्य छ। वैदेशिक क्षेत्रमा गरेको लगानीले उपलब्धि हात लाग्नेछ। पारिवारिक सम्बन्धमा धोका हुने भएकाले ख्याल गर्नुपर्ने देखिन्छ।
कर्कट : दिन राम्रो छैन। झुटा आरोप लाग्न सक्छन्। आफन्तले असहयोग गर्नेछन्। आर्थिक, सामाजिक र शिक्षाको क्षेत्रमा फाइदा हुँदैन। स्वास्थ्य राम्रो छ। प्रेम सम्बन्ध र दाम्पत्य जीवनमा उत्साह आउने देखिन्छ।
सिंह : दिन राम्रो छ। शिक्षामा राम्रो भए पनि स्वास्थ्यमा समस्या हुनसक्छ। खानपानमा विशेष ख्याल गर्नुपर्ने देखिन्छ।
कन्या : दिन राम्रो छ। सबै क्षेत्र अनुकुल छन्। मनमा उत्साहा र उमंग बढ्नेछ। सहकार्यमा घाटा लाग्नसक्छ। खर्च बढ्ने भएकाले व्यवहार गर्दा सचेत हुनु राम्रो हुन्छ।
तुला : दिन राम्रो छ। शिक्षा, स्वास्थ्य, व्यापार र वैदेशिक रोजगारीको क्षेत्रमा उत्साह मिल्नेछ। दाम्पत्य र प्रेम जीवनमा समस्या देखिन्छ।
वृश्चिक : आजको दिन राम्रो छ। शिक्षा क्षेत्रमा अवरोधको सामना गर्नुपर्ला। पारिवारिक कलह हुनसक्छ।
धनु : दिन राम्रो छ। गुमेको धन हातलाग्ने योग छ। पारिवारिक सम्बन्ध राम्रो बन्नेछ। वैदेशिक र राजनीतिक लगानीको तयारी अधुरो बन्नेछ। प्रेम र दाम्पत्य सम्बन्धमा खटपटी हुनेछ।
मकर : सञ्चित धनमा क्षति पुग्ने देखिन्छ। आफ्नै बोलीले आफन्त टाढा हुनसक्छन्। शनिको छायाले गर्दा घाटा हुनसक्छ। त्यसबाट पार पाउन हरेक शनिबार पिपलमा पानी चढाउनु तपाईंका लागि फलदायी हुनेछ।
कुम्भ : दिन सामान्य छ। यात्रा कठिन हुनेछ। आर्थिक र शैक्षिक क्षेत्रमा समस्या देखिए पनि पारिवारिक क्षेत्र राम्रो देखिन्छ। परेवालाई चारो दिएर दिनको सुरुवात गर्नु राम्रो हुन्छ।
मीन : दिन सामान्य छ। थालेका काममा अबरोध हुनसक्छ। गुरुको सल्लाहमा काम गर्नु राम्रो हुन्छ। सोचेर बोल्नुपर्ने देखिन्छ।
